مرااااااااااحب
إن شاء الله
أنا بصراحه أول مره أكتب موضوع ..... حمستوني ..... لأني دايم أقراء مواضعيكم .... قلت عاد مايصير دايم أقراء لأن عيوني
..... هالمرة بحاول إني أكتب لكم ... ويارب يعجبكم ...
أيام التطبيق في الكلية ... كنت أطبق في روضة ... لأن قسمي رياض أطفال
وكان ثاني يوم وجوني صديقاتي المصرقعات ... قالو لي أنتي طلع لك في الجدول وقت الوجبة ... عاد جت وقت الوجبه وشلت فطوري ورحت للفصل ... سلمت على الأطفال ورددنا الدعاء قبل الطعام وعددنا أداب الطعام ... وقلت يالله سمو بالله وكل واحد يفتح وجبته ويفطر
كان فيه إثنين من الأطفال جالسين بجنب بعض
مسوين أصدقاء الشباب .... الأول سعودي (قصيمي)
والثاني سوري ... طبعا غلطو الإثنين في السندوتشات ... القصيمي كان ماخذ ساندوتش السوري فتح الأخ الساندوتش وزط منها لقمه ... فجئة ماسمعت إلا
(وع وع وشو ذا وع ) والولد السوري مطير عيونه
في الساندوتش وقال ( العمى هي إلي يامعلمه ) أخذ السوري الساندوتش وأعطى القصيمي الساندوتش حقه .... السوري أخذ لقمه وقال ( تئبريني ياأمي هالساندوتش ماأطعمه ) عاد القصيمي طارت عيونه في السوري
وقاله ( الله يقرفك أنت وهالخياس اللي جايبوه ) عاد أنا مت من
وسألت القصيمي وش حاشي الساندوتش ... قال بنفس خايسه عاد الولد متقرف ( بيض ) ( عاد سعودي ياجبن يابيض ويخب عليه ) وسألت السوري وش حاشي الساندوتش قال ( لبنه وزيتون ) بعذره هالقصيمي مسيكين مو متعود !!!!!
لما خلصو وجباتهم قال القصيمي لسوري ثاني مره لو تجيب هالخياس توطيتك في بطنك !!!!!
مسيكين بغى ينتحر ..... السوري ياغفلين لكم الله مايعرف ( الخياس ... ولا ... أتوطى في بطنك )
وسلامتكم عاد الله الله بالردود ماأوصيكم شجعوني ويعطيكم العافية
الثلاثاء فبراير 03, 2009 7:45 pm